.

animated gif.

DIGITAL TEXT BOOKS (All classes)

animated gifBIO-VISION'S EDUCATIONAL GAMES

ALL POSTS - ALPHABETICAL ORDER | STANDARD 10 | STANDARD 9 | STANDARD 8
animated gif INCOME TAX CALCULATOR 2017 - 18 | NP KRISHNADAS | INCOME TAX CALCULATOR WITH 12 BB FORM |


Visit Our: Facebook Page | Google+ Page | NETWORKED BLOG | TWITTER PAGE
ഇപ്പോള്‍ കൂടുതല്‍ വിഭവങ്ങളുമായി ബയോ വിഷന്‍ വെബ്സൈറ്റ് . സന്ദര്‍ശിക്കുക

Wednesday, April 19, 2017

ആത്മവിശ്വാസം


ആത്മവിശ്വാസം




                          ആത്മവിശ്വാസം ജീവിതമുന്നേറ്റത്തിന്  പ്രേരണ നല്‍കുന്ന ഊര്‍ജമാണ്. ഇരുള്‍ വീഴ്ത്തുന്ന പ്രശ്നങ്ങള്‍ക്കിടയിലും മനസ്സില്‍ ശുഭാപ്തി വിശ്വാസം വിതറുന്ന വെളിച്ചമാണ്. രക്ഷപ്പെടുവാനുള്ള വഴികള്‍ തെളിയിക്കുന്ന ചൂണ്ടുപലകയുമാണ്. കൃത്യമായ സ്വയംമതിപ്പില്‍ നിന്നാണ് ആരോഗ്യകരമായ  ആത്മവിശ്വാസം മുളപൊട്ടുന്നത്. എല്ലാവരും അവനവന് ഒരു വില ഇടാറുണ്ട്. മറ്റുള്ളവര്‍ ഒളിഞ്ഞും തെളിഞ്ഞുമൊക്കെ ചൊല്ലുന്ന വാക്കുകള്‍ ഇതിനെ സ്വാധീനിച്ചേക്കാം. അതുകൊണ്ട് നിരാശപ്പെടേണ്ട. തകര്‍ന്നു പോകാതെ കൊള്ളാവുന്ന നിരീക്ഷണങ്ങള്‍ ഉള്‍ക്കൊണ്ട് തിരുത്താന്‍ ശ്രമിക്കാം. അതാണ് ശരിയായ വഴി.

മറ്റുള്ളവരുടെ നിഗമനങ്ങള്‍ എന്തു തന്നെയായാലും അവനവനെക്കുറിച്ച് സ്വയം ഒരു അഭിപ്രായം എല്ലാവരും സൃഷ്ടിച്ചെടുക്കാറുണ്ട്. പോരായ്മകളെ കാണാതെ ശക്തികളെ പെരുപ്പിച്ചെടുത്ത് സ്വയം വല്ലാത്ത വിലയിട്ട് ഒരു തരം 'കേമന്‍  കോംപ്ലെക്സില്‍ ' അഭിരമിക്കുന്നവരുണ്ട്. മറ്റുള്ളവര്‍ക്ക് അലോസരമുണ്ടാക്കുന്ന ഭീമാകാരമായ ആത്മവിശ്വാസമാണ് ഇവരുടെ മുഖമുദ്ര. ഇതുകൊണ്ട് ഒരു ഗുണവുമില്ല. ശരിയായ ഉള്‍ക്കാഴ്ചയുടെ പിന്തുണയില്ലാത്തതുകൊണ്ട് കുഴപ്പങ്ങള്‍ ക്ഷണിച്ചുവരുത്തുകയും ചെയ്യും. ശക്തികളെ തീരെ തിരിച്ചറിയാതെ ദൗര്‍ബല്യങ്ങളെ പര്‍വതീകരിച്ച് സ്വയം വില ഇടിച്ചുതാഴ്ത്തി വിഷാദവും നൈരാശ്യവുമൊക്കെയായി ജീവിക്കുന്നവരാണ് മറ്റേ ധ്രുവത്തില്‍. ആത്മവിശ്വാസം പേരിനുപോലുമില്ലാത്ത ഒരു തരം 'കോന്തന്‍ കോംപ്ലെക്സി'നടിമപ്പെട്ടുപോകും ഈ കൂട്ടര്‍. കേമന്‍  കോംപ്ലെക്സിന്റെയും കോന്തന്‍ കോംപ്ലെക്സിന്റെയും ഇടയിലാണ് കൃത്യവും ആരോഗ്യകരവുമായ ആത്മവിശ്വാസമുള്ളവര്‍. ശക്തിയെയും ശക്തിക്കുറവിനെയും സമചിത്തതയോടെ അവര്‍ ഉള്‍ക്കൊള്ളും. ഉള്ള കരുത്ത് ഫലപ്രദമായി ഉപയോഗിച്ച്  ദൗര്‍ബല്യങ്ങളെ മറികടക്കുവാനോ അവയുടെ സാന്നിധ്യത്തെ അവഗണിക്കുവാനോ ഇവര്‍ പരിശ്രമിച്ചുകൊണ്ടിരിക്കും.
ഒരു വിലാപവും  അതിന്‍റെ  പുനരാഖ്യാനവും

ആത്മവിശ്വാസമില്ല്ലായ്മയുടെ ഒരു വിലാപം കേള്‍ക്കാം

"ഞാന്‍ എഞ്ചിനീയറിങ് ബിരുദധാരിയായ ഒരു  യുവാവാണ്. എഴുപത്തിയഞ്ചു ശതമാനം മാര്‍ക്കു നേടിയിട്ടുണ്ട്. പക്ഷേ ജോലിക്കായുള്ള എല്ലാ അഭിമുഖങ്ങളിലും ഞാന്‍ തോറ്റുപോകുന്നു. സ്കൂളില്‍ പഠിച്ചത് മലയാളം മീഡിയത്തിലാണ്. അതുകൊണ്ട് തീരെ ധൈര്യമില്ല. എന്തോ ഒരു കുറവുള്ളതുപോലെ. പ്ലസ്‌ടു മുതല്‍ ഇങ്ങനെയാണ്. വിജയിക്കുമെന്ന വിചാരത്തോടെ പിന്നീട് ഒരു പരീക്ഷയും ഞാന്‍ എഴുതിയിട്ടില്ല. അതുകൊണ്ട് എനിക്ക് എപ്പോഴും ഉത്കണ്ഠയാണ്. ഇതൊക്കെയാണെങ്കിലും ഒരുവിധം മാര്‍ക്ക്‌ എനിക്ക് കിട്ടുമായിരുന്നു.എന്‍റെ കഴിവിനേക്കാള്‍ ഭാഗ്യംകൊണ്ടാണ് അങ്ങനെ സംഭവിക്കുന്നത്. സത്യമായിട്ടും എന്നെ ഒന്നിനും കൊള്ളില്ല. ആളുകളെ അഭിമുഖീകരിക്കാന്‍ എനിക്ക് ആത്മവിശ്വാസമില്ല. ഞാനൊരു തികഞ്ഞ പരാജയമാണെന്ന് എനിക്ക് അറിയാം. അങ്ങനെയല്ലെന്ന് മാതാപിതാക്കളും അടുത്ത കൂട്ടുകാരും പറയാറുണ്ട്. ഒരു ക്ലാസ്സിലും തോല്‍ക്കാതെ നല്ല മാര്‍ക്ക്‌  വാങ്ങി എഞ്ചിനീയറിങ്ങ് പാസ്സായില്ലേയെന്നാണ് ഇവരൊക്കെ പറയുന്നത്. എന്‍റെ മിടുക്കുകൊണ്ടല്ല ഇതെന്ന് അവര്‍ക്കറിയില്ലല്ലോ. അവരൊക്കെ എന്നെ വെറുതെ ആശ്വസിപ്പിക്കാനായി പറയുന്നതും ആകാം. കഴിവില്ലാത്തവനെന്നു അവര്‍ക്ക് തുറന്ന്  പറയുവാനാകില്ലല്ലോ? എന്റെ കൂട്ടുകാര്‍ക്കുള്ള ഒരു വൈഭവവും എനിക്കില്ല. ഞാന്‍ ഒരു വട്ടപ്പൂജ്യമാണ്."

ആത്മവിശ്വാസത്തകര്‍ച്ചയുള്ള ഒരുവ്യക്തിയുടെ സങ്കടങ്ങളുടെ ചിത്രമാണിത്.

സ്വയം തര്‍ക്കിച്ചു താഴ്ത്തിക്കെട്ടുന്ന ശൈലി പ്രകടം.

കഷ്ടപ്പെട്ട് പഠിച്ചു നേടിയ വിജയങ്ങള്‍ക്കൊന്നും ഒരു വിലയുമില്ല. നിഷേധാത്മകചിന്തകളുടെ ഉരുള്‍പൊട്ടലുകളാണ്. വിഷാദം, കോപം, ഉത്കണ്ഠ തുടങ്ങിയ അലോസരപ്പെടുത്തുന്ന വൈകാരികഭാവങ്ങളുടെ പൂരപ്പറമ്പാണ് ഈ മനസ്സ്. നമുക്ക് ഈ വിദ്വാന്റെ ആത്മഗതങ്ങളെ ആത്മവിശ്വാസത്തിന്റെ മരുന്നിട്ട് മാറ്റി എഴുതിയാലോ? അപ്പോള്‍ അതിങ്ങനെയാകും:

"ഞാന്‍ എഞ്ചിനീയറിംഗ് ബിരുദധാരിയായ ഒരു യുവാവാണ്. സ്കൂളില്‍  മലയാളം മീഡിയത്തിലാണ് പഠിച്ചത്. അതുകൊണ്ട് പ്ലസ്‌ടുവിലെത്തിയപ്പോള്‍ കുറച്ചു ബുദ്ധിമുട്ടൊക്കെ ഉണ്ടായി. മനസ്സ് തളര്‍ന്നു. ഒന്നിനും കൊള്ളില്ലെന്ന തോന്നലൊക്കെ ഉണ്ടായി. പക്ഷേ, അതു ഞാന്‍ തിരിച്ചറിഞ്ഞു. ആ ചിന്തയുമായി ഞാന്‍ കലഹിച്ചു; പോരടിച്ചു. സത്യത്തില്‍ പാഠൃവിഷയങ്ങള്‍ എനിക്ക് മറ്റുള്ളവരേക്കാള്‍ നന്നായി മനസ്സിലാകുമായിരുന്നു. എനിക്ക് കഴിയുമെന്ന വിശ്വാസത്തോടെ ഞാന്‍ പോരാടി. നല്ല മാര്‍ക്ക്‌ വാങ്ങി. ഇംഗ്ലീഷ് മീഡിയത്തില്‍ പഠിച്ച എന്‍റെ  കൂട്ടുകാര്‍ക്ക് സാധിക്കുന്നതൊക്കെ എനിക്ക് ചെയ്യാനാകുമെന്ന് ഞാന്‍ മനസ്സിലാക്കി. എഞ്ചിനീയറിങ്ങിന്  പ്രവേശനം നേടി. എഴുപത്തിയഞ്ചു ശതമാനം മാര്‍ക്ക് വാങ്ങി. ആശയവിനിമയത്തില്‍ എനിക്ക് മികവു പോരാ. അതുകൊണ്ട് ചില അഭിമുഖങ്ങള്‍ നന്നായി ചെയ്യാന്‍ പറ്റിയില്ല. ഇതാണ് എന്‍റെ ഇപ്പോഴത്തെ പോരായ്മ. സാരമില്ല. അതു ഞാന്‍ ശരിയാക്കും. താമസിയാതെ ഞാന്‍ നല്ല ജോലി വാങ്ങും."

സ്വയംമതിപ്പിനെയും ആത്മവിശ്വാസത്തെയും തകര്‍ക്കുന്ന ഒത്തിരി കാര്യങ്ങള്‍ ജീവിതത്തില്‍ ഉണ്ടായിക്കൊണ്ടിരിക്കും. വ്യക്തിത്വത്തില്‍ ഊര്‍ജമായി ആത്മവിശ്വാസമുണ്ടെങ്കില്‍ ഇതിനെയൊക്കെ എങ്ങനെ  കൈകാര്യം  ചെയ്യാമെന്നതുകൂടിയാണ് തിരുത്തിയെഴുതിയ വിചാരധാരകളിലൂടെ വ്യക്തമാകുന്നത്. പോരായ്മകളുടെ നേരെ ഇതില്‍ കണ്ണടയ്ക്കുന്നില്ല. പൊരുതുവാനുള്ള തന്‍റെടമുണ്ടെന്ന വിശ്വാസത്തെ ചങ്ങാതിയായിക്കൂട്ടി നേരിടുകയാണ് ചെയ്യുന്നത്. ആത്മവിശ്വാസമുള്ള മനസ്സിനേ ഇതിനു കഴിയൂ.
വളര്‍ത്തല്‍ശൈലി നിര്‍ണായകം

     സ്വയംമതിപ്പും ആത്മവിശ്വാസവുമൊക്കെ പെട്ടെന്ന് പൊട്ടി മുളയ്ക്കുന്നതല്ല.സ്വയംമതിപ്പും ആത്മവിശ്വാസവുമൊക്കെ പെട്ടെന്ന് പൊട്ടി മുളയ്ക്കുന്നതല്ല. ഇതൊക്കെ കുറേ ദിവസത്തെ  പരിശീലനംകൊണ്ട് നല്‍കുമെന്ന വാഗ്ദാനം ചെയ്യുമെന്ന  മൈന്‍ഡ് കോച്ചുകളുമുണ്ട് (Mind coach). വഴി കാണിച്ചുതരാന്‍ അവര്‍ക്ക് സാധിച്ചേക്കും; എന്നാല്‍ ഇതൊന്നും  മാജിക് പോലെ സംഭവിക്കുകയില്ല. ജീവിതയാത്രയില്‍ തട്ടിയും മുട്ടിയും, കൊണ്ടും കൊടുത്തും, വീണും എഴുന്നേറ്റുമൊക്കെ അനുഭവങ്ങളിലൂടെ സ്വാംശീകരിച്ച് എടുക്കേണ്ടതാണ്. ഇതൊക്കെ വളര്‍ത്തിയെടുക്കേണ്ടത് ജീവിതവിജയത്തിന് ആവശ്യമാണെന്ന  വിചാരം വേണമെന്നു മാത്രം. ഇതിനൊക്കെയുള്ള അടിത്തറ പണിയേണ്ടത് കുട്ടിക്കാലത്ത് തന്നെയാണ്. അതുകൊണ്ട് വളര്‍ത്തല്‍ശൈലികള്‍ നിര്‍ണായകവുമാണ്. മലയാളികള്‍ ഈ കാര്യത്തില്‍ അത്ര മിടുക്കരല്ല. മാതാപിതാക്കളുടെ ചിറകിന്‍കീഴില്‍ അമിതസംരക്ഷണത്തില്‍ വളരുന്ന പിള്ളേര്‍ക്ക് ആത്മവിശ്വാസത്തിന്റെ അടിത്തറ ദുര്‍ബലമാകാനിടയുണ്ട്. കുട്ടിയെ ശരാശരി മലയാളി കൈവിരല്‍ത്തുമ്പില്‍ കൊരുത്തു സുരക്ഷിതരായി നടത്തുവാന്‍ നോക്കും. കണ്‍വെട്ടത്തുതന്നെ നിര്‍ത്താന്‍ ശ്രമിക്കും. അവരുടെ ഉള്ളറിയാതെ അവര്‍ക്കായി തീരുമാനമെടുക്കും. തോറ്റുപോയാല്‍ ആത്മാഭിമാനത്തെ മുറിപ്പെടുത്തും വിധത്തില്‍ പഴിക്കും. എന്നാല്‍ അവര്‍ ചെയ്യുന്ന നല്ല കാര്യങ്ങളെ പ്രോത്സാഹിപ്പിക്കാന്‍ പിശുക്കു കാണിക്കുകയും ചെയ്യും. ആത്മവിശ്വാസമില്ലായ്മ ഒരു ജീവിതശൈലിയായി രൂപപ്പെടാന്‍ ഇത്രയൊക്കെ ധാരാളം. മറ്റുള്ള സംസ്ഥാനത്തെ കുട്ടികള്‍ അഭിമുഖങ്ങളില്‍ വിജയിക്കുന്നതിന്റെ തോത് കൂടുതലാണെന്നൊക്കെ വിലപിക്കുമ്പോള്‍ ഈ വക കാര്യങ്ങള്‍ കൂടി നമ്മള്‍ ഓര്‍മ്മിക്കേണ്ടതുണ്ട്‌; ശ്രദ്ധിക്കേണ്ടതുണ്ട്.
ആത്മവിശ്വാസവും രോഗാവസ്ഥകളും

വ്യക്തിത്വരൂപവത്കരണത്തിന്‍റെ അപാകതകള്‍മൂലം ആത്മവിശ്വാസത്തിന്റെ തോതില്‍ ഏറ്റക്കുറച്ചില്‍ വരും.വ്യക്തിത്വരൂപവത്കരണത്തിന്‍റെ അപാകതകള്‍മൂലം ആത്മവിശ്വാസത്തിന്റെ തോതില്‍ ഏറ്റക്കുറച്ചില്‍ വരും. വിവിധ മനോരോഗാവസ്ഥകളിലും ആത്മവിശ്വാസത്തില്‍ മാറ്റങ്ങള്‍ വരാം. അതുകൂടി അറിഞ്ഞിരിക്കേണ്ടതുണ്ട്. ആത്മവിശ്വാസത്തകര്‍ച്ചകളില്‍ മറ്റു ഘടകങ്ങളോടൊപ്പം തന്നെ വിഷാദരോഗസാധ്യത കൂടി സജീവമായി പരിഗണിക്കേണ്ടതുണ്ട്. തിരിച്ചറിഞ്ഞാല്‍ ഈ മാനസികാസ്വാസ്ഥ്യം ചികിത്സിച്ചു മാറ്റാമെന്നതു തന്നെ കാര്യം. സാമൂഹിക സാഹചര്യങ്ങളെ അഭിമുഖീകരിക്കാനുള്ള ഭയം ഒരു പ്രധാനലക്ഷണമായി വരുന്ന സോഷ്യല്‍ ഫോബിയ, ഉത്കണ്ഠാരോഗങ്ങള്‍ ഇങ്ങനെ പല അവസ്ഥകളിലും ആത്മവിശ്വാസമില്ലായ്മ കൂടിക്കാണാറുണ്ട്. ബൈപോളാര്‍ ഡിസോര്‍ഡറിലെ (Bipolar Disorder) ഉന്മാദഘട്ടമായ മാനിയയില്‍ (Mania) ആത്മവിശ്വാസം വല്ലാതെ അതിരുവിടുകയും രോഗത്തിന്റെ തലത്തിലേക്ക് ഉയരുകയും ചെയ്യും. മനുഷ്യന് അസാധ്യമായത് ചെയ്യുവാനുള്ള ശക്തിയുണ്ടെന്ന തരത്തിലുള്ള  മിഥ്യാധാരണകള്‍ (Delusions) പിടികൂടുകയും ചെയ്യും. മാനിയയുടെ ഭാഗമായി ഉണ്ടാകുന്ന കുഴപ്പം പിടിച്ച ആത്മവിശ്വാസത്തിന്റെ പ്രേരണയാല്‍ കൊക്കിലൊതുങ്ങാത്ത വലിയ വലിയ ബിസിനസ് സംരംഭങ്ങളിലേക്ക് എടുത്തുചാടി  കുഴപ്പത്തിലായവരുണ്ട്. രോഗം മാറിക്കഴിയുമ്പോഴാണ് ഇതൊക്കെ പാവം രോഗി തിരിച്ചറിയുന്നത്.

ആസ്മ, സന്ധിവാതം തുടങ്ങി പല ദീര്‍ഘകാലരോഗങ്ങളിലും (Chronic Illness) ആത്മവിശ്വാസക്കുറവ് രോഗങ്ങളുടെ പ്രത്യാഘാതമായി ഉണ്ടാകാറുണ്ട്. ശാരീരിക രോഗാവസ്ഥകളെ ആത്മവിശ്വാസം കൊണ്ട് നിയന്ത്രിച്ചു നിര്‍ത്താമെന്നും വ്യക്തമാക്കപ്പെട്ടിട്ടുണ്ട്.

കൊച്ചുകൊച്ചു നേട്ടങ്ങളും അല്പസ്വല്പം ശക്തികളുമൊക്കെ ബോധപൂര്‍വം തന്നെ കണ്ടെത്തി മനസ്സിനെ വിശ്വസിപ്പിക്കാന്‍ കഴിഞ്ഞാല്‍ ആത്മവിശ്വാസത്തിന്റെ ദീപനാളങ്ങള്‍ തെളിഞ്ഞു വരും. "ആരൊക്കെ കെടുത്താന്‍ ശ്രമിച്ചാലും എനിക്കറിയാം എന്നെ"യെന്ന വിശ്വാസം കൃത്യമാണെങ്കില്‍ ആ ദീപം തെളിഞ്ഞുതന്നെ നില്‍ക്കും. ആ വെളിച്ചത്തില്‍ ഏതു ദുര്‍ഘട വഴിയിലൂടെയും മുന്നേറാം. ആത്മവിശ്വാസത്തോളം വലിയ ഔഷധം വേറെയില്ല, കൂട്ടരേ....       
മനസ്സിനോട് പറയാന്‍ പത്ത് കാര്യങ്ങള്‍

ആത്മവിശ്വാസം ഉണര്‍ത്തുവാനായി ഇങ്ങനെയൊക്കെ മനസ്സിനോട് പറയാം. വിശ്വസിപ്പിക്കാം.

    മറ്റാരെയും പോലെതന്നെ മൂല്യമുള്ള ഒരു വ്യക്തി തന്നെയാണെന്ന വസ്തുത തിരിച്ചറിഞ്ഞ് ചൊല്ലിക്കൊടുക്കുക.
    പോരായ്‌മകള്‍ക്കിടയിലും നിങ്ങള്‍ക്ക് ശക്തികളുണ്ടെന്ന് മനസ്സിലാക്കുക, സ്വയം വിശ്വസിപ്പിക്കുക.
    വിജയത്തിന്റെയും നേട്ടങ്ങളുടെയും വേളകള്‍ ചൂണ്ടിക്കാട്ടി നിങ്ങള്‍ പൂര്‍ണ്ണമായും പരാജയമല്ലെന്ന്‍ സാക്ഷ്യപ്പെടുത്തുക.
    പല കാര്യങ്ങളും മറ്റുള്ളവര്‍ ചെയ്യുന്നതു പോലെയോ അതിനേക്കാള്‍ മികവോടെയോ ചെയ്യാനാകുമെന്നു ചൂണ്ടിക്കാണിക്കുക.
    അഭിമാനിക്കാനുള്ള കാര്യങ്ങള്‍ നിങ്ങള്‍ക്കുമുണ്ടെന്ന്‍ ഓര്‍മ്മിപ്പിക്കുക.
    ഞാന്‍ കൊള്ളാവുന്ന വ്യക്തിയാണെന്ന് പ്രസാദാത്മകമായ ചിന്തകള്‍ മനസ്സിലേക്ക് വിന്യസിപ്പിക്കുക.
    ചില കാര്യങ്ങള്‍ സംതൃപ്തിയോടെ ചെയ്യുവാനായിയെന്ന്‍ കണ്ടെത്തി അത് ബോധ്യപ്പെടുത്തുക.
    അവനവനോട് ആദരവ് തോന്നേണ്ട കാര്യങ്ങള്‍ പിശുക്കുകൂടാതെ അവതരിപ്പിക്കുക.
    ഒന്നിനും കൊള്ളാത്തവനെന്ന ചിന്തയെ ആട്ടിയകറ്റുമെന്ന് ശക്തമായ നിലപാടും അറിയിക്കുക.
    നിര്‍ഗുണനെന്ന വിചാരത്തിന് അടിമപ്പെടുകയില്ലെന്ന്  തന്റേടത്തോടെ പറയുക. 


കടപ്പാട് : ഡോ. സി. ജെ. ജോണ്‍
 മാനസികാരോഗ്യം  



Related posts







Friday, April 14, 2017

അവധിക്കാലം എങ്ങനെയാഘോഷിക്കണം


അവധിക്കാലം എങ്ങനെയാഘോഷിക്കണം



                                      നമ്മുടെ നാട്ടില്‍ വേനല്‍ക്കാലത്തെ സ്കൂള്‍ വെക്കേഷന്‍അവധിക്കാലം അല്ലാതായി മാറിയിട്ട് കാലം കുറെയായി. മദ്ധ്യവേനലവധിയുടെ കെട്ടും മട്ടും പാടെ മാറിക്കഴിഞ്ഞു.ഇപ്പോള്‍ സ്കൂള്‍ ഉള്ള ദിവസങ്ങളേക്കാള്‍ കൂടുതല്‍ കുട്ടികള്‍ തിരക്കിലാവുന്നത് ഈ രണ്ടു മാസങ്ങളിലാണ്.പഠന ദിവസങ്ങളേപ്പോലെ തന്നെ അവധിക്കാലത്തെക്കുറിച്ചും അവര്‍ക്ക് വ്യക്തമായ പ്ലാനിംഗ് ഉണ്ട്.അതിനനുസൃതമായി പരിശീലന ക്ലാസ്സുകളും സമ്മര്‍ ക്യാമ്പുകളും ഒരുങ്ങിക്കഴിഞ്ഞു.അങ്ങനെ അവധിക്കാലം മറ്റൊരു തരത്തിലുള്ള പഠനകാലം തന്നെയാവുന്നു.
               പരീക്ഷകള്‍ കഴിഞ്ഞാല്‍ ഫലം അറിയാന്‍ പണ്ടത്തെത് പോലെ ഇപ്പോള്‍ കാലതാമസമില്ല. ഒട്ടുമിക്ക സ്കൂളുകളിലും ആഴ്ചകള്‍ള്ളില്‍തന്നെ റിസള്‍ട്ട് തയ്യാറാകും. ഉടന്‍ തന്നെ വെക്കേഷന്‍ സ്പെഷല്‍ ക്ലാസ്സുകളും തുടങ്ങും.ഏഴാം ക്ലാസ് വരെയുള്ള കുട്ടികള്‍ക്ക് അവധിക്കാലത്ത് സ്പെഷ്യല്‍ ക്ലാസ്സുകള്‍ നടത്തുന്നത് സുപ്രീം കോടതി നിരോധിച്ചത് കൊണ്ട്  പ്രൈമറി വിദ്യാര്‍ത്ഥികള്‍ രക്ഷപ്പെട്ടു.ഓരോ അധ്യയന വര്‍ഷവും കനത്ത സിലബസുകള്‍ തീര്‍ക്കാന്‍ ഓടുന്ന അധ്യാപകരും പിറകേയോടുന്ന കുട്ടികളും ചേര്‍ന്ന് കത്തുന്ന വേനലിനോടൊപ്പം ക്ലാസ്മുറികളും പുകയും.പക്ഷെ,അവധിക്കാലം തിന്നു തീര്‍ക്കുന്ന ഈ സ്പെഷ്യല്‍ ക്ലാസ്സുകളെ കുട്ടികളോ രക്ഷിതാക്കളോ ഇപ്പോള്‍ ഒരു ബാധ്യതയായി കാണുന്നില്ലെന്നതാണ് വസ്തുത.കാരണം അവര്‍ക്കും സിലബസിനെക്കുറിച്ച് ധാരണയുണ്ട്.ഡിസംബര്‍ മാസത്തോടെ ക്ലാസ്സുകള്‍ തീര്‍ക്കണം,പിന്നെ രണ്ടു വട്ടം റിവിഷന്‍,രണ്ടു റൌണ്ട് മോഡല്‍ പരീക്ഷ എന്നൊക്കെ തരംതിരിച്ചു നല്കുന്ന ഒരു അധ്യയന വര്‍ഷത്തിന്റെ മുന്നോടിയാണ് ഈ സ്പെഷ്യല്‍ ക്ലാസ്സുകള്‍ എന്നത് കൊണ്ട് തന്നെ .മാത്രമല്ല പകലന്തിയോളം ജോലിത്തിരക്കുകളിലാകുന്ന രക്ഷിതാക്കള്‍ക്ക് കുട്ടികള്‍ ഒറ്റയ്ക്ക് വീട്ടിലാവുന്നതിന്റെ ആധിയൊഴിവാക്കുകയും ചെയ്യാം.
            ലോകത്തിന്റെ എല്ലായിടത്തും കാലാവസ്ഥയുമായി ബന്ധപ്പെടുത്തി സ്കൂള്‍ അവധികള്‍ ക്രമീകരിക്കുന്ന സമ്പ്രദായം തന്നെയാണ് നിലവിലുള്ളത്.പ്രകൃതി പ്രതികൂലമായിരിക്കുന്ന അവസ്ഥയില്‍ ശരീരത്തിന് വിശ്രമം ആവശ്യമാണ്.കായികവും ബൌദ്ധികമായ അദ്ധ്വാനങ്ങള്‍ നിയന്ത്രിക്കേണ്ട കാലം.നമ്മുടെ നാട്ടിലെ വേനല്‍ക്കാലം കടുത്ത ചൂടിന്റെതാണ്.പഠനത്തിനു ഒട്ടും അനുയോജ്യമല്ലാത്ത സമയം.ക്ലാസ് മുറികളിലെ ചൂടില്‍ തിങ്ങിയിരുന്നുള്ള പഠനം ബുദ്ധിയെ ദോഷകരമായി ബാധിക്കും.ഫലപ്രദമായ ഒരു അവധിക്കാലം എല്ലാവര്‍ക്കും ആവശ്യമാണ്.
                           ഒരു വര്‍ഷം മുഴുവന്‍ കാത്തിരുന്ന അവധിക്കാലം തുടങ്ങുമ്പോള്‍ള് തറവാടിന്റെയോ അമ്മവീടിന്റെയോ ഗൃഹാതുരതയിലെയ്ക്കുള്ള യാത്രാ പരിപാടികള്‍ ഇപ്പോള്‍ ചുരുങ്ങിയിരിക്കുന്നു..മിക്കയിടങ്ങളിലും ഇല്ലാതായിരിക്കുന്നു.നഗരത്തിലെ കുട്ടികള്‍ ഫ്ലാറ്റുകളിലോ വില്ലകളിലോ ഇന്‍ഡോര്‍ ഗെയ്മുകളുടെ തണുപ്പില്‍ സ്വസ്ഥരാകും.ആറ്റിലും തോട്ടിലും അന്തിയാവോളം നീന്തിക്കളിക്കുന്ന,കൊയ്ത്തുകഴിഞ്ഞുണങ്ങിയ പാടങ്ങളില്‍ പൊടി പറത്തുന്ന കുട്ടിക്കൂട്ടങ്ങള്‍ ഇപ്പോള്‍ കാണാക്കാഴ്ചയാണ്. മാമ്പഴത്തിന്റെയും കശുവണ്ടിയുടെയും ഉത്സവപ്പറമ്പിലെ ആനയുടെയും ചൂര് മണക്കുന്ന അവധിക്കാലം ഇന്ന് അപൂര്‍വ്വം കുട്ടികളുടെ മാത്രം ഭാഗ്യമാണ്.ബാക്കിയുള്ളവര്‍ എന്താണ് ചെയ്യുന്നത്?അവര്‍ തിരക്കിലാണ്..  രണ്ടു മാസത്തെ വെക്കേഷന്‍ പൂര്‍ണമായും അവധിക്കാലമായി കളയേണ്ടതില്ല.രക്ഷിതാക്കള്‍ കുട്ടികളുടെ കഴിവുകള്‍ കണ്ടറിഞ്ഞു പ്രോത്സാഹിപ്പിക്കണം.അഭിരുചിയനുസരിച്ച് തിരഞ്ഞെടുക്കാവുന്ന പരിശീലനക്ലാസ്സുകള്‍ ഇന്ന് സുലഭമാണ്.ഏറ്റവും ഫലപ്രദമായ ഒന്നാണ് ഭാഷാ ക്ലാസ്സുകള്‍.പുതിയൊരു ഭാഷ പഠിക്കുന്നത് എന്ത് കൊണ്ടും രസകരമാണ്.സ്പോക്കണ്‍ ഇംഗ്ലീഷും ഗ്രാമ്മര്‍ ക്ലാസ്സുകളും,സ്കൂള്‍ പഠനത്തിനു കൂടി സഹായകരമായത് കൊണ്ടായിരിക്കും,പണ്ട് മുതല്‍ തന്നെ വെക്കേഷന്റെ ഇഷ്ടവിഷയങ്ങളാണ്.ശാസ്ത്രവിഷയങ്ങളോട് അഭിരുചിയുള്ളവര്‍ക്ക് സര്‍വ്വകലാശാലകളുമായി ബന്ധപ്പെട്ടു അഭിരുചി ക്ലാസ്സുകളില്‍ ചേരാം.സിനിമയുടെയും സാഹിത്യത്തിന്റെയും അടിസ്ഥാന പരിശീലനങ്ങള്‍ നല്‍കുന്ന ക്യാമ്പുകളും ഇപ്പോള്‍ ധാരാളമുണ്ട്.ആണ്‍കുട്ടികളും പെണ്‍കുട്ടികളും തമ്മില്‍ അഭിരുചി ക്ലാസ്സുകള്‍ തിരഞ്ഞെടുക്കുന്നതില്‍ ഉണ്ടായിരുന്ന വ്യക്തമായ വ്യത്യാസങ്ങള്‍ ഇല്ലാതായി വരുന്നുണ്ട്.കുറച്ചുകാലം മുന്പ് വരെ പെണ്‍കുട്ടികള്‍ പൊതുവേ നൃത്തം,പാട്ട്,തയ്യലിന്റെ പരിഷ്കൃത രൂപങ്ങളായ എംബ്രോയ്ഡറി,ഗ്ലാസ്-ഓയില്-ഫാബ്രിക് പെയിന്റിംഗ് മുതലായവ ലളിതകലകളിലെയ്ക്ക് പോകുമ്പോള്‍ ആണ്‍കുട്ടികള്‍ ക്രിക്കറ്റ്,ഫുട്ബോള്,നീന്തല്‍,മാര്‍ഷ്യല്‍ ആര്ട്സ്എന്നിവയായിരിക്കും കൂടുതലും തിരഞ്ഞെടുക്കുക. ഇപ്പോള്‍ എല്ലാവരും എല്ലാം പഠിക്കുന്ന അവസ്ഥയിലേയ്ക്ക് കാര്യങ്ങള്‍ മാറിയിട്ടുണ്ട്.കാലത്തിന്റെ ആവശ്യം എന്ന നിലയിലായിരിക്കാം ഇപ്പോള്‍ കരാട്ടെ പോലുള്ള ആയോധനകലകള്‍ പരിശീലിക്കുന്ന പെണ്‍കുട്ടികളുടെ എണ്ണം കൂടിയിട്ടുണ്ട്.നീന്തല്‍,പാചകം,യോഗതുടങ്ങിയവയ്ക്കും പരിശീലന ക്ലാസ്സുകള്‍ ഉണ്ട്.സഭാകമ്പം മാറി സദസ്സിനെ ആത്മവിശ്വാസത്തോടെ അഭിമുഖീകരിക്കാന്‍ പരിശീലനം നല്കുന്ന ക്ലാസ്സുകള്‍ ഉണ്ട്.ഓര്‍മ്മ ശക്തി,കയ്യക്ഷരം എന്നിവ മെച്ചപ്പെടുത്താം..പ്രസംഗ പരിശീലനം നടത്താം.ഒട്ടു മിക്ക പരിശീലന ക്ലാസ്സുകള്‍ക്കും ക്യാംപുകള്‍ക്കും ഫീസ് കനത്തതാണ്.അതിനു തക്ക ഗൂണം ലഭിക്കുന്നുണ്ടോ അതോ കച്ചവടം മാത്രമാണോ എന്ന് ശ്രദ്ധിക്കേണ്ടതുണ്ട്.ക്യാമ്പുകളിലെ സുരക്ഷിതത്വത്തെക്കുറിച്ചും ഉറപ്പു വരുത്തേണ്ടതുണ്ട്..കുട്ടികളെ ക്ലാസ്സുകളില്‍ കൊണ്ട് തള്ളിയിട്ടു ആശ്വസിക്കാതെ,കൃത്യമായി അന്വേഷിച്ചു കൊണ്ടിരിക്കുകയും വേണം.
          വര്‍ഷം മുഴുവന്‍ നീളുന്ന തിരക്കുകളില്‍ നിന്നൊരു ഇടവേളയാണ് മധ്യവേനലവധിക്കാലം.മുറികളുടെ തണുപ്പില്‍ ചടഞ്ഞിരുന്നു ടീവിയും കപ്യൂട്ടരും വീഡിയോ ഗെയ്മുകളും മാത്രമായി കുട്ടികളുടെ അവധിക്കാലം ചുരുങ്ങാതിരിക്കട്ടെ. എന്നാല്‍ കോച്ചിംഗ് ക്ലാസ്സുകള്‍ മാത്രം കൊണ്ട് എല്ലാമായി എന്ന ചിന്തയില്‍ ഒതുങ്ങുകയുമരുത്.തിരക്കുകള്‍ക്കിടയില്‍ അവരോടൊപ്പം ചിലവഴിക്കാന്‍ കൂടി രക്ഷിതാക്കള്‍ സമയം കണ്ടെത്താം.അവര്‍ കടന്നു പൊയ്ക്കൊണ്ടിരിക്കുന്നത് അവരുടെ ഇനി ഒരിക്കലും തിരിച്ചു കിട്ടാത്ത ബാല്യത്തില്‍ക്കൂടിയാണ്. ഓര്‍ക്കാന്‍ രസമുള്ള ;സ്പെഷ്യല്‍; അവധിക്കാലമാക്കി മാറ്റാന്‍ അവരോടൊപ്പം നില്‍ക്കേണ്ടതുണ്ട്.അവരോടൊപ്പം മറക്കാനാവാത്ത യാത്രകള്‍ പോകാം.പ്രകൃതിയുമായി ബന്ധപ്പെട്ട ഒരു ഓര്‍മ്മ പോലും ഇല്ലാതാകുന്ന അവസ്ഥയാണിന്ന്. പ്രകൃതിയുടെയും ജീവിക്കുന്ന ചുറ്റുപാടുകളുടെയും പ്രാധാന്യത്തെക്കുറിച്ച് മനസ്സിലാക്കിക്കൊടുക്കുന്ന യാത്രകള്‍ പോകാം.അതോടൊപ്പം വായന ഒഴിവാക്കാതിരിക്കുക.നല്ല നല്ല കുഞ്ഞു പുസ്തകങ്ങള്‍ അവര്‍ക്ക് സമ്മാനമായി നല്കാം.ചെറിയ കുറിപ്പുകള്‍ എഴുതാന്‍ നിര്‍ദ്ദേശിക്കാം.ശ്രേഷ്ഠരായ ഗുരുക്കന്മാരും ഏറ്റവുമടുത്ത വിശ്വസ്തരായ സുഹൃത്തുക്കളുമാണ് നല്ല പുസ്തകങ്ങള്‍.നാല് ചുമരുകള്‍ക്കിടയിലിരുന്നു കുട്ടികള്‍ കാണുന്ന കാഴ്ചകള്‍ക്കും അതില്‍ നിന്ന് രൂപപ്പെടുന്ന കാഴ്ച്ചപ്പാടിനും അതിന്റെതായ പരിധികളും പരിമിതികളുമുണ്ട്.അവരുടെ ഭാവനകള്‍ക്ക് സങ്കല്‍പ്പങ്ങള്‍ക്കും ചിറകുകള്‍ ഉണ്ടാവട്ടെ..നമ്മള്‍ തിരക്കിലാണ്..നഷ്ട്ടപ്പെട്ട നനവുകളെ ഓര്‍ത്ത് പരിതപിക്കുന്ന നമ്മള്‍ വരും തലമുറകള്‍ക്കായി എന്തൊക്കെ ബാക്കി വച്ചിട്ടുണ്ട് എന്നും കൂടി ചിന്തിക്കേണ്ടതാണ്.തലമുറകളെ പ്രതിക്കൂട്ടിലാക്കി കുറ്റപ്പെടുത്തുന്നതിനു മുന്‍പ് നമ്മള്‍ എന്തായിരുന്നെന്നും ഇപ്പോള്‍ എന്താണെന്നും ചിന്തിക്കുക.മണ്ണറിഞ്ഞു മഴയറിഞ്ഞു ഗ്രാമങ്ങളില്‍ ജീവിച്ച ഒരു തലമുറയുടെയും പച്ചപ്പ് ഓര്‍മ്മകളില്‍ പോലും ഇല്ലാതാവുന്ന അതിവേഗക്കാരായ മറ്റൊരു തലമുറയുടെയും ഇടയിലാണ് ഇന്നത്തെ രക്ഷിതാക്കള്‍. ആശങ്കപ്പെട്ടിട്ടു കാര്യമില്ല.കുട്ടികള്‍ അവരുടെ കാലം അടയാളപ്പെടുത്തട്ടെ.അത് നല്ല രീതിയിലാകാന്‍ അവരോടൊപ്പം നില്ക്കാം.അവധിക്കാലങ്ങള്‍ അവര്‍ക്ക് നല്ല ഓര്‍മ്മകളും കൂടി നല്കട്ടെ.

രശ്മി രാധാകൃഷ്ണന്‍    
കടപ്പാട് : ഈസ്റ്റ്‌ കോസ്റ്റ് ഡെയിലി ഡോട്ട് കോം




Monday, April 03, 2017

SSLC EXAM 2017 - QUESTION PAPERS AND ANSWER KEYS


SSLC QUESTION PAPERS AND ANSWER KEYS




                                                    2017   എസ്.എസ്.എല്‍.സി പരീക്ഷയുടെ ചോദ്യ ശേഖരവും അവയുടെ ലഭ്യമായ ഉത്തര സൂചികളും പ്രസിദ്ധീകരിക്കുന്നു.  ഉത്തരസൂചിക തയ്യാറാക്കി അയച്ചു തന്ന എല്ലാ അധ്യാപക സുഹൃത്തുക്കൾക്കും  നന്ദി അറിയിക്കുന്നു. ചുവടെ നല്‍കിയിട്ടുള്ള ലിങ്കുകളില്‍ നിന്നും ചോദ്യ ശേഖരവും അവയുടെ ഉത്തരസൂചികളും ഡൗണ്‍ലോഡ് ചെയ്‌തെടുക്കാവുന്നതാണ്.



QUESTION PAPERS AND ANSWER KEYS



MALAYALAM I |

MALAYALAM II |


ENGLISH | KEY (ANILKUMAR.P,A.V.H.S.S, PONANI,MALAPPURAM )

HINDI | KEY (Asok kumar N.A, GHSSPerumpalam, Alappuzha)

PHYSICS | KEY (SITC Forum)


CHEMISTRY | KEY MM | KEY EM
(Unmesh B Govt VHSS Kallara)

BIOLOGY |
SOCIAL SCIENCE | KEY (DEEPU V.S
HSS&VHSS BRAHMAMANGALAM,BINDUMOL P.R
GOVT. GHSS VAIKOM)


MATHEMATICS | KEY
(BINOYI PHILIP, GHSS KOTTODI) | KEY 2 (SUNNY.P.O,HEADMASTER G.H.S.S WESTKALLADA) | KEY 3 (BABURAJ.P, P H S S PANDALLOR,MALAPPURAM)
MATHEMATICS (Re-exam) | KEY (BINOYI PHILIP, GHSS KOTTODI) | KEY 2 (BABURAJ.P, P H S S PANDALLOR,MALAPPURAM)





Saturday, April 01, 2017

അവധിക്കാലം


HAVE A NICE SUMMER VACATION




                   പരീക്ഷാക്കാലം കഴിഞ്ഞു.മറ്റൊരു അവധിക്കാലം കൂടി വന്നെത്തി. ഇനി രണ്ടുമാസം മധ്യവേനലവധിക്കാലം. കുട്ടികള്‍ ഏറെ ഇഷ്ടപ്പെടുന്ന ദിനങ്ങളാണ്‌ അവധിക്കാലം. പാഠപുസ്തകങ്ങളുടേയും പഠന ടെന്‍ഷനുകളുടെയും പരീക്ഷകളുടെയും ഭാരം ഒന്നിറക്കി വെയ്ക്കാന്‍ കഴിഞ്ഞതിന്റെ സമാധാനത്തിലാണവര്‍. ഇനി സ്വാതന്ത്ര്യത്തിന്റെയും ആഹ്ലാദത്തിന്റെയും
 ദിനങ്ങള്‍.

അവധിക്കാലം അടിച്ചുപൊളിച്ച്‌ ആഹ്ലാദകരമാക്കുന്നതോടൊപ്പം ക്രിയാത്മകമായി ചെലവഴിക്കാനും സാധിക്കണം. നവോന്മേഷം കൈവരിച്ച്‌ അടുത്ത അധ്യയനവര്‍ഷം നേട്ടങ്ങളുടെതാക്കി മാറ്റുവാന്‍ വേണ്ടിയുള്ളതാണ്‌ അവധിക്കാലം എന്നോര്‍മിക്കണം. അതിനാല്‍ കളിയും ചിരിയും ചിന്തയും പഠനവുമെല്ലാം അവധിക്കാലത്തും ഉണ്ടാകണം.

        ആയാസരഹിതമായും ആഹ്ലാദപൂര്‍ണമായും കുട്ടികള്‍ അവധിക്കാലം കഴിച്ചുകൂട്ടട്ടെ. പൂത്തുമ്പികളെപ്പോലെ പാറി നടക്കാന്‍, കുസൃതി കാട്ടി രസിക്കാന്‍, ഉല്ലാസത്തോടെ ചുറ്റിക്കറങ്ങാന്‍ ഒക്കെ കുട്ടികള്‍ക്ക്‌ മോഹമുണ്ടാകും. അനുവദിക്കാവുന്നിടത്തോളം ആസ്വദിക്കാന്‍ മാതാപിതാക്കള്‍ അവസരം നല്‍കുക.  എന്തായാലും ഒരു കാര്യം ശ്രദ്ധിക്കുക കൂട്ടുകാരുമൊത്തുള്ള വിനോദങ്ങളിൽ അമിതാവേശത്താൽ അപകടങ്ങളിൽ ചെന്ന് ചാടാതിരിക്കുക. പ്രത്യേകിച്ചും ജലാശയങ്ങളിലെ കളികളിൽ ജാഗ്രത പുലർത്തുക . പത്ര മാധ്യമങ്ങളിൽ ഇടയ്ക്കിടെ വരാറുള്ള ദുരന്ത വാർത്തകൾ ഈ അവധിക്കാലത്തെങ്കിലും ആവർത്തിക്കരുതെന്ന ഓർമ്മപ്പെടുത്തലോടെ ഏവർക്കും സന്തോഷകരമായ ഒരു അവധിക്കാലം ആശംസിക്കുന്നു !!! 

Tuesday, March 28, 2017

ANTICIPATORY INCOME TAX CALCULATOR 2017 - 18 by Anson Francis


ANTICIPATORY INCOME TAX CALCULATOR



                                    2017 -18 വർഷത്തേയ്ക്കുള്ള Anticipatory Income Statement തയ്യാറാക്കുന്നതിനുള്ള കാൽക്കുലേറ്റർ തയ്യാറാക്കി അയച്ചു തന്നിരിക്കയാണ് ഇടുക്കി ഡിസ്ട്രിക്ട് ട്രഷറിയിലെ  ശ്രീ ആൻസൻ ഫ്രാൻസിസ് സാർ.സാറിന് നന്ദി അറിയിക്കുന്നതോടൊപ്പം പ്രോഗ്രാം നിങ്ങൾക്കായി സമർപ്പിക്കുന്നു. 




DOWNLOADS






Related post








ANTICIPATORY INCOME TAX CALCULATOR 2017 - 18


ANTICIPATORY INCOME TAX



           ഉദ്യോഗസ്ഥരുടെയും പെൻഷൻകാരുടെയും അടുത്ത വര്‍ഷത്തേക്കുള്ള പ്രതീക്ഷിത വരുമാന നികുതി ആസൂത്രണത്തിന്റെ സമയമാണ് ഈ മാർച്ച് മാസം. കഴിഞ്ഞ വര്‍ഷത്തെ നികുതി ആസൂത്രണം ചെയ്യാത്തവര്‍ അതിന്റെ ബുദ്ധിമുട്ടുകള്‍ അനുഭവിച്ചിരിക്കുമല്ലോ. 2017-18 വര്‍ഷത്തില്‍ നമുക്ക് ലഭിക്കാവുന്ന വരുമാനം മുന്‍കൂട്ടി കണക്കാക്കി അത് പന്ത്രണ്ട് ഗഡുക്കളാക്കി മാര്‍ച്ച് മാസത്തിലെ ശമ്പളം മുതല്‍ പിടിച്ചു തുടങ്ങണമെന്നുള്ളത് ശമ്പള വിതരണ ഉദ്യോഗസ്ഥന്റെ ചുമതലയാണ്. അവസാന മാസങ്ങളില്‍ വലിയൊരു തുക നികുതിയിനത്തിലേക്ക് അടക്കുന്നതിന്റെ ബുദ്ധിമുട്ട് ഒഴിവാക്കാനും ഇതുകൊണ്ട് സാധിക്കുന്നു. പിന്നീട് സപ്തംബർ മാസത്തിൽ ഇത് പുനരവലോകനം ചെയ്ത് മാസ ഗഡു കൂട്ടുകയോ കുറക്കുകയോ ചെയ്യാവുന്നതാണ്.  80C യിലെ പരിധി ഒന്നര ലക്ഷം എത്താത്തവർക്ക് ഈ മാസം മുതൽ തന്നെ പി.എഫ് വിഹിതവും ഈ കണക്കുനോക്കി വർദ്ധിപ്പിച്ച് ടാക്സ് ഇളവു നേടാവുന്നതാണ്.  ഉദ്യോഗസ്ഥരുടെയും പെൻഷൻകാരുടെയും ആന്റിസിപ്പേറ്ററി സ്റ്റേറ്റ്മെന്റുകള്‍ തയ്യാക്കുന്നതിനുള്ള പ്രിന്റബിൾ സ്പ്രെഡ്ഷീറാണ് ഇത്. മൈക്രോസോഫ്റ്റിന്റെ വിൻഡോസിലോ ലിനക്സ് / ഉബുണ്ടുവിലോ ഉള്ള ഓപ്പൻ ഒഫീസ് / എം.എസ്.എക്സൽ സ്പ്രെഡ്ഷീറ്റുകളിൽ ഇത് പ്രവര്‍ത്തിപ്പിക്കാം. ഇത് വലിയ കമ്പ്യൂട്ടർ പരിചയമില്ലാത്ത സാധാരണ ജീവനക്കാർക്കു കൂടി കൺസൽട്ടന്റിന്റെ സഹായമില്ലാതെ, പേനക്കൊണ്ട് ഫോറം പൂരിപ്പിക്കുന്ന പോലെ, മൗസുകൊണ്ട് സ്പ്രെഡ്ഷീറ്ററിൽ ചെയ്യാവുന്ന രീതിയിൽ സ്വതന്ത്ര സോഫ്റ്റ് വെയറിൽ തയ്യാറാക്കിയതാണ്. 2017 ഫെബ്രുവരിയിലെ യൂണിയന്‍ ബജറ്റില്‍ പ്രഖ്യാപിച്ചിരുന്ന മാറ്റങ്ങളെല്ലാം ഇതിൽ ഉള്‍ക്കൊള്ളിച്ചിട്ടുണ്ട്. ഈ വര്‍ഷത്തെ നികുതി നിരക്കിലെ പ്രധാന മാറ്റം രണ്ടര ലക്ഷത്തിനു മുകളില്‍ 5 ലക്ഷം വരെ വരുമാനമുള്ളവരുടെ നികുതി നിരക്ക് 10 ശതമാനം ആയിരുന്നത് 5 ശതമാനമായി കുറച്ചു എന്നതാണ്. 5 ലക്ഷത്തിനു മുകളില്‍ 10 ലക്ഷം  വരെയുള്ള വരുമാനത്തിന്  നികുതി 20 ശതമാനവും 10 ലക്ഷത്തിനു മുകളിലുള്ള വരുമാനത്തിന് നികുതി 30 ശതമാനവും പഴയത് പോലെ തുടരും.
മറ്റൊരു മാറ്റം നേരത്തെ 87 എ സെക്ഷന്‍ പ്രകാരം 5 ലക്ഷത്തിന് താഴെ വരുമാനമുള്ളവര്‍ക്ക് നല്‍കിയിരുന്ന 5000 രൂപയുടെ റിബേറ്റ് 2500 രൂപയാക്കി കുറയ്ക്കുകയും കൂടാതെ ഇത് ലഭിക്കുന്നതിനുള്ള വരുമാനത്തിന്‍റെ പരിധി 3.5 ലക്ഷമാക്കി കുറയ്ക്കുകയും ചെയ്തു. ഇവിടെ വരുമാനം എന്നത് എല്ലാ കിഴിവുകളും കഴി‍ഞ്ഞുള്ള ടാക്സബിൾ ഇൻകം ആണ് .
നമുക്ക് ഈ വര്‍ഷം ലഭിച്ചേക്കാവുന്ന എല്ലാ വരുമാനങ്ങളും ആന്റിസിപ്പേറ്ററി സ്റ്റേറ്റ്മെന്റിൽ ഉൾപ്പെടുത്തേണ്ടതാണ്. 2014 ലെ ശമ്പള പരിഷ്കരണത്തിന്റെ ഭാഗമായി വന്ന ശമ്പള കുടിശ്ശികയുടെ രണ്ട് ഗഡുവും അതിന്റെ പലിശയും ഈ സാമ്പത്തിക വര്‍ഷത്തില്‍ നമുക്ക് ലഭിക്കാനുണ്ട്. ഇതു കൂടി ആസൂത്രണത്തിൽ ഉൾപ്പെടുത്തേണ്ടതുണ്ട്. 
ഈ പോസ്റ്റിൽ Anticipatory Income Statement തയ്യാറാക്കുന്നതിനുള്ള ശ്രീ കൃഷ്ണദാസ്‌  സാർ തയ്യാറാക്കിയ സോഫ്റ്റ്‌വെയർ നിങ്ങളെ പരിചയപ്പെടുത്തുകയാണ്. ശ്രീ കൃഷ്ണദാസ്‌ സാറിന് ബ്ലോഗിന്റെ നന്ദിയും കടപ്പാടും ഇതോടൊപ്പം അറിയിക്കുന്നു. 



DOWNLOADS



ANTICIPATORY INCOME TAX CALCULATOR





 

SSLC EXAM PACKAGE 2017 - MATHEMATICS


SSLC EXAM PACKAGE 2017 - MATHEMATICS



                        ഗണിത   പഠന വിഭവങ്ങൾ ഉൾപ്പെടുത്തിക്കൊണ്ടുള്ള ഇന്നത്തെ എക്സാം പാക്കേജിൽ  പ്രമുഖ ദിനപത്രങ്ങളായ  കേരള കൌമുദി, മലയാള മനോരമ, മാതൃഭൂമി ,  ദീപിക എന്നിവയിൽ പ്രസിദ്ധീകരിച്ച മുഴുവൻ പഠന വിഭവങ്ങളും സമാഹരിച്ചു പോസ്റ്റ് ചെയ്യുകയാണ്.  ഇവ ചുവടെയുള്ള  ലിങ്കുകളിൽ നിന്നും ഡൌൺലോഡ്  ചെയ്തെടുക്കാവുന്നതാണ് .



SSLC EXAM PACKAGE 2017 - MATHEMATICS






Related posts






MATHEMATICS - MODEL QUESTION PAPER ANALYSIS - VIJAYAVANI - STANDARD 10


  MODEL QUESTION PAPER ANALYSIS



                                         ആകാശവാണി പ്രക്ഷേപണം ചെയ്തുകൊണ്ടിരിക്കുന്ന  വിജയവാണി റേഡിയോ പ്രോഗ്രാം റെക്കോർഡ് ചെയ്ത് നിങ്ങളിലെത്തിക്കുന്നതിന്റെ ഭാഗമായി  ഇന്ന് ഗണിതം      മാതൃകാ ചോദ്യ പേപ്പർ വിശകലനം  പോസ്റ്റ് ചെയ്യുന്നു. ക്ലാസ് കേൾക്കുക ! ഡൌൺലോഡ് ചെയ്ത് കുട്ടികളെ കേൾപ്പിക്കുക !
                                




ക്ലാസ് കേൾക്കാം

negative margins




DOWNLOAD LINK



Related posts


REVISION CLASS

SSLC EXAM SPECIAL 2017 - REVISION CLASS - MALAYALAM I UNIT 1
SSLC EXAM SPECIAL 2017 - REVISION CLASS - MALAYALAM I UNIT 3
 SSLC EXAM SPECIAL 2017 - REVISION CLASS - MALAYALAM II UNIT 3
SSLC EXAM SPECIAL 2017 - REVISION CLASS - SOCIAL SCIENCE QUESTION ANALYSIS 


VIJAYAVANI - QUESTION PAPER ANALYSIS 


SOCIAL SCIENCE - MODEL QUESTION PAPER ANALYSIS - VIJAYAVANI


VIJAYAVANI - FIRST TERM

VIJAYAVANI - PHYSICS FIRST TERM - STANDARD 10
 VIJAYAVANI - CHEMISTRY FIRST TERM - STANDARD 10
VIJAYAVANI - BIOLOGY FIRST TERM - STANDARD 10
VIJAYAVANI - MATHEMATICS FIRST TERM - STANDARD 10

VIJAYAVANI - SECOND TERM

 VIJAYAVANI - MALAYALAM I SECOND TERM - STANDARD 10



SSLC STUDY MATERIALS - MUKULAM 2017 - DIET KANNUR


SSLC STUDY MATERIALS



                                      SSLC പരീക്ഷ എഴുതുന്ന എല്ലാവർക്കും ഉയർന്ന വിജയം ഉറപ്പാക്കുന്നതിനായി കണ്ണൂര്‍ ജില്ലാപഞ്ചായത്ത്‌ കണ്ണൂര്‍ ഡയറ്റിന്റെ സഹായത്തോടെ മുകുളം എന്ന പേരിൽ തയ്യാറാക്കിയ  ENGLISH, PHYSICS, CHEMISTRY , MATHEMATICS, SOCIAL SCIENCE  പഠന സഹായികൾ  പോസ്റ്റ് ചെയ്യുകയാണ്. ചുവടെയുള്ള ലിങ്കിൽ നിന്നും ഇവ ഡൌൺലോഡ് ചെയ്യാവുന്നതാണ്. ഈ പഠന വിഭവങ്ങൾ  ബ്ലോഗുമായി ഷെയർ ചെയ്ത ഡയറ്റിലെ  ശ്രീ. ജയദേവൻ സാറിന് നന്ദിയും കടപ്പാടും അറിയിക്കുന്നു. 



SSLC STUDY MATERIALS - MUKULAM 2017








MATHEMATICS STUDY MATERIALS - KARNIKARAM AND AROODAM - STANDARD 10


MATHEMATICS STUDY MATERIALS




                     SSLC പരീക്ഷയ്ക്ക് തയ്യാറെടുക്കുന്ന കുട്ടികൾക്കായി ഗണിതത്തിന്റെ രണ്ട് പഠന സഹായികൾ പരിചയപ്പെടുത്തുകയാണ് ഇന്നത്തെ പോസ്റ്റിലൂടെ ഇവയിൽ ഒന്ന് തൊടുപുഴ വിദ്യാഭ്യാസ ജില്ല തയ്യാറാക്കിയ 'കർണികാരം' ഗണിത പഠന സഹായി-2017 ഉം  മറ്റൊന്ന് തൃശൂര്‍ ജില്ലയിലെ ചാവക്കാട് വിദ്യാഭ്യാസ ജില്ലയിലെ ഗണിതാധ്യാപകരുടെ കൂട്ടായ്മ തയ്യാറാക്കിയ 'ആരൂഢം'എന്ന പഠന സഹായിയുമാണ്. 'ആരൂഢം' ഇംഗ്ലീഷ് , മലയാളം മീഡിയം കുട്ടികൾക്ക് വേണ്ടി തയ്യാറാക്കിയിട്ടുണ്ട്. താഴെ നൽകിയിരിക്കുന്ന ലിങ്കിൽ നിന്നും പഠന സഹായികൾ  ഡൌൺലോഡ് ചെയ്യാം.  


DOWNLOADS


KARNIKARAM SSLC MATHS STUDY MATERIAL
AROODAM SSLC MATHS STUDY MATERIAL
AROODAM SSLC MATHS STUDY MATERIAL (ENGLISH MEDIUM)


 Related posts



MATHEMATICS - QUESTION POOL WITH ANSWERS - MALAYALAM MEDIUM AND ENGLISH MEDIUM - STANDARD 10
MATHEMATICS REVISION QUESTIONS - MALAYALAM AND ENGLISH MDIUM - STANDARD 10 






MATHEMATICS - QUESTION POOL WITH ANSWERS - MALAYALAM MEDIUM AND ENGLISH MEDIUM - STANDARD 10


QUESTION POOL WITH ANSWERS



              പത്താം ക്ലാസ് ഗണിത ശാസ്ത്ര പാഠപുസ്തകത്തിലെ എല്ലാം അധ്യായങ്ങളിലെയും ചോദ്യങ്ങളും അവയുടെ ഉത്തരങ്ങളും  തയ്യാറാക്കി ഷെയർ ചെയ്യുകയാണ്  ശ്രീ ഫസലുദ്ദീൻ സാർ കോഴിക്കോട്. ഇതിൽ മലയാളം , ഇംഗ്ലീഷ് മീഡിയം ചോദ്യോത്തരങ്ങൾ വെവ്വേറെ ഉൾപ്പെടുത്തിയിട്ടുണ്ട് . ഒരു ഗൈഡിന്റെ നിലവാരത്തിലുള്ള ഈ പഠന വിഭവം  SSLC കുട്ടികൾക്ക് വളരെയധികം പ്രയോജനകരമാകും എന്നതിൽ സംശയമില്ല. ശ്രീ ഫസലുദീൻ സാറിന് ബ്ലോഗിന്റെ  നന്ദി അറിയിക്കുന്നു.




DOWNLOADS









MATHEMATICS REVISION QUESTIONS - MALAYALAM AND ENGLISH MDIUM - STANDARD 10


MATHEMATICS REVISION QUESTIONS




                              പത്താം ക്സാസ്സ് ഗണിത ശാസ്ത്രത്തെ അടിസ്ഥാനമാക്കി സമഗ്രമായൊരു  റിവിഷന്‍ പാക്കേജ് തയ്യാറാക്കി ഷെയർ ചെയ്യുകയാണ് പറളി ഹൈസ്കൂള്‍ ഗണിതാധ്യാപകനും DRG യുമായ ശ്രീ. സതീശന്‍ സാര്‍.  പാഠപുസ്തകത്തിലെ എല്ലാ ഗണിതാശയങ്ങളെയും ഉള്‍ക്കൊള്ളിച്ച് തയ്യാറാക്കിയ ഈ റിവിഷന്‍ മെറ്റീരിയലിന്റെ ഇംഗ്ലീഷ് -മലയാളം മീഡിയം ചോദ്യശേഖരം ചുവടെയുള്ള ലിങ്കുകളില്‍ നിന്നും ഡൗണ്‍ലോഡ് ചെയ്യാവുന്നതാണ്. പരീക്ഷക്ക് തയ്യാറെടുക്കുന്ന ഏവർക്കും  പ്രയോജനകരമായ  ഈ പഠന വിഭവം തയ്യാറാക്കി നല്‍കിയ ശ്രീ സതീശന്‍ സാറിന്  നന്ദിയും കടപ്പാടും ഇതോടൊപ്പം അറിയിക്കുന്നു



DOWNLOADS






Related post








VIDYAJYOTHI - MATHEMATICS STUDY MATERIAL


 MATHEMATICS STUDY MATERIAL



                SSLC പരീക്ഷ എഴുതുന്ന എല്ലാവർക്കും ഉയർന്ന വിജയം ഉറപ്പാക്കുന്നതിനായി തിരുവനന്തപുരം ജില്ലാപഞ്ചായത് തിരുവനന്തപുരം ഡയറ്റിന്റെ സഹായത്തോടെ വിദ്യാജ്യോതി എന്ന പേരിൽ തയ്യാറാക്കിയ ഗണിതത്തിന്റെ  പഠന സഹായി പോസ്റ്റ് ചെയ്യുകയാണ്. സോഷ്യൽ സയൻസ്    പഠന സഹായി ഉടൻ  പ്രതീക്ഷിക്കാവുന്നതാണ്. 


DOWNLOAD



VIDYAJYOTHI - MATHEMATICS STUDY MATERIAL



Related posts


MATHEMATICS REVISION QUESTIONS - MALAYALAM AND ENGLISH MDIUM - STANDARD 10
MATHEMATICS - QUESTION POOL WITH ANSWERS - MALAYALAM MEDIUM AND ENGLISH MEDIUM - STANDARD 10





SSLC MODEL QUESTION BANK - ENGLISH AND MALAYALAM MEDIUM - MATHEMATICS, PHYSICS, CHEMISTRY


SSLC MODEL QUESTION BANK



                      പത്താം ക്ലാസ്സ് ഗണിതത്തിന്റെ ചോദ്യ ശേഖരം , ടിപ്സ് , ഫിസിക്സ് , കെമിസ്ട്രി എന്നിവയ്ക്കുള്ള ഇംഗ്ലീഷ് മലയാളം മീഡിയം മാതൃകാ ചോദ്യങ്ങള്‍ തയ്യാറാക്കി അയച്ചിരിക്കയാണ് മലപ്പുറത്ത് നിന്നും ശ്രീ നൗഷാദ് പരപ്പനങ്ങാടി. സാർ അത്യന്തം ശ്രമകരമായ ഈ പ്രവർത്തനം ഭംഗിയായി നിറവേറ്റി ഷെയർ ചെയ്ത  ശ്രീ നൗഷാദ് പരപ്പനങ്ങാടി സാറിനോടുള്ള നന്ദി ഇതോടൊപ്പം അറിയിക്കുന്നു.



DOWNLOADS 





Sunday, March 26, 2017

SSLC EXAM PACKAGE 2017 - SOCIAL SCIENCE


 SSLC EXAM PACKAGE 2017 - SOCIAL SCIENCE



                               സോഷ്യൽ സയൻസ്   പഠന വിഭവങ്ങൾ ഉൾപ്പെടുത്തിക്കൊണ്ടുള്ള ഇന്നത്തെ എക്സാം പാക്കേജിൽ  പ്രമുഖ ദിനപത്രങ്ങളായ  കേരള കൌമുദി, മലയാള മനോരമ, മാതൃഭൂമി ,  ദീപിക, മാധ്യമം  എന്നിവയിൽ പ്രസിദ്ധീകരിച്ച മുഴുവൻ പഠന വിഭവങ്ങളും ചേർത്തിരിക്കുന്നു ഇവ ചുവടെയുള്ള  ലിങ്കുകളിൽ നിന്നും ഡൌൺലോഡ്  ചെയ്തെടുക്കാവുന്നതാണ് .



 SSLC EXAM PACKAGE 2017 - SOCIAL SCIENCE


New
SOCIAL SCIENCE PART 1 (മാധ്യമം )
SOCIAL SCIENCE PART 2 (മാധ്യമം )

SOCIAL SCIENCE I PART 1 (മാതൃഭൂമി)
SOCIAL SCIENCE I PART 2 (മാതൃഭൂമി)
SOCIAL SCIENCE II PART 1 (മാതൃഭൂമി)
SOCIAL SCIENCE II PART 2 (മാതൃഭൂമി)
 
SOCIAL SCIENCE part 1 (മലയാള മനോരമ)
SOCIAL SCIENCE part 3 (മലയാള മനോരമ)

SOCIAL SCIENCE 1 (ദീപിക)
SOCIAL SCIENCE 2 (ദീപിക)
SOCIAL SCIENCE PART B 1 (ദീപിക)
SOCIAL SCIENCE PART B 2(ദീപിക)
 
BIOLOGY STUDY NOTES AND MODEL QUESTION (കേരള കൗമുദി)


Related posts









Saturday, March 25, 2017

SOCIAL SCIENCE - MODEL QUESTION PAPER ANALYSIS set 2 - VIJAYAVANI - STANDARD 10


  MODEL QUESTION PAPER ANALYSIS



                                 തിരുവനന്തപുരം ആകാശവാണി പ്രക്ഷേപണം ചെയ്തുകൊണ്ടിരിക്കുന്ന  വിജയവാണി റേഡിയോ പ്രോഗ്രാം റെക്കോർഡ് ചെയ്ത് നിങ്ങളിലെത്തിക്കുന്നതിന്റെ ഭാഗമായി  ഇന്ന് സോഷ്യൽ സയൻസ് മാതൃകാ ചോദ്യ പേപ്പർ വിശകലനം set 2  പോസ്റ്റ് ചെയ്യുന്നു.



ക്ലാസ് കേൾക്കാം

negative margins




DOWNLOAD LINK



Related posts



VIJAYAVANI - SOCIAL SCIENCE SECOND TERM - STANDARD 10
 VIJAYAVANI - MATHEMATICS SECOND TERM - STANDARD 10
VIJAYAVANI - SOCIAL SCIENCE THIRD TERM - STANDARD 10 






Thursday, March 23, 2017

SSLC EXAM SPECIAL 2017 - REVISION CLASS - SOCIAL SCIENCE QUESTION ANALYSIS


SOCIAL SCIENCE QUESTION ANALYSIS




                                 BIO-VISION'S SSLC EXAM SPECIAL 2017 ന്റെ ഭാഗമായി അവതരിപ്പിക്കുന്ന ഇന്നത്തെ റിവിഷൻ ക്ലാസ്സിൽ സാമൂഹ്യശാസ്ത്രം - പുതിയ ചോദ്യ രീതികളും പ്രതീക്ഷകളും - ചോദ്യ മാതൃക വിശകലനം ചെയ്യുന്നത് കോഴിക്കോട് ഉമ്മത്തൂർ SI HSS ലെ ശ്രീ അബ്ദുൽ വാഹിദ് സാർ ആണ്.ഈ ന്യൂതന സംരംഭത്തിൽ പങ്കാളിയായി ഞങ്ങളോടൊപ്പം സഹകരിച്ച ശ്രീ. അബ്ദുൽ വാഹിദ് സാറിന് ബ്ലോഗിന്റെ നന്ദിയും കടപ്പാടും അറിയിക്കുന്നു. ക്ലാസ് കേൾക്കുക ! ഡൌൺലോഡ് ചെയ്ത് കുട്ടികളെ കേൾപ്പിക്കുക !



ക്ലാസ് കേൾക്കാം

negative margins




DOWNLOAD LINK



Related posts


VIJAYAVANI - SOCIAL SCIENCE SECOND TERM - STANDARD 10
 VIJAYAVANI - MATHEMATICS SECOND TERM - STANDARD 10
VIJAYAVANI - SOCIAL SCIENCE THIRD TERM - STANDARD 10 




SOCIAL SCIENCE - MODEL QUESTION PAPER ANALYSIS - VIJAYAVANI - STANDARD 10


  MODEL QUESTION PAPER ANALYSIS



                                 തിരുവനന്തപുരം ആകാശവാണി പ്രക്ഷേപണം ചെയ്തുകൊണ്ടിരിക്കുന്ന  വിജയവാണി റേഡിയോ പ്രോഗ്രാം റെക്കോർഡ് ചെയ്ത് നിങ്ങളിലെത്തിക്കുന്നതിന്റെ ഭാഗമായി  ഇന്ന് സോഷ്യൽ സയൻസ് മാതൃകാ ചോദ്യ പേപ്പർ വിശകലനം  പോസ്റ്റ് ചെയ്യുന്നു. ക്ലാസ് കേൾക്കുക ! ഡൌൺലോഡ് ചെയ്ത് കുട്ടികളെ കേൾപ്പിക്കുക !



ക്ലാസ് കേൾക്കാം

negative margins




DOWNLOAD LINK



Related posts



VIJAYAVANI - SOCIAL SCIENCE SECOND TERM - STANDARD 10
 VIJAYAVANI - MATHEMATICS SECOND TERM - STANDARD 10
VIJAYAVANI - SOCIAL SCIENCE THIRD TERM - STANDARD 10 




Wednesday, March 22, 2017

SSLC EXAM PACKAGE 2017 - BIOLOGY


SSLC EXAM PACKAGE 2017 - BIOLOGY



                               ജീവശാസ്ത്രം   പഠന വിഭവങ്ങൾ ഉൾപ്പെടുത്തിക്കൊണ്ടുള്ള ഇന്നത്തെ എക്സാം പാക്കേജിൽ  പ്രമുഖ ദിനപത്രങ്ങളായ  കേരള കൌമുദി, മലയാള മനോരമ, മാതൃഭൂമി , ദേശാഭിമാനി , ദീപിക എന്നിവയിൽ പ്രസിദ്ധീകരിച്ച മുഴുവൻ പഠന വിഭവങ്ങളും ചേർത്തിരിക്കുന്നു ഇവ ചുവടെയുള്ള  ലിങ്കുകളിൽ നിന്നും ഡൌൺലോഡ്  ചെയ്തെടുക്കാവുന്നതാണ് .



SSLC EXAM PACKAGE 2017 - BIOLOGY






Related posts






Related Posts Plugin for WordPress, Blogger...